陳年事忘不了，眼前事記不起

風城浪子（八篇）陳師奶四位
C城工作完畢，晚上和客戶在北麥之根大道旁的Grand Lux Cafe食飯，要算是C城出了名的餐廳，到達門口有成接近五六十人在reception等候。算安排不錯，訂了桌和名之後，各人有一個pager，若到你的時候pager會亮燈叫你番reception。你可選擇等待或出街外逛逛，相信一英里之內沒問題。

香港的茶樓可以試這方法，免得人客唔知等到幾時，有了pager可以落街行下才上番去。又唔使知客大聲叫：陳師奶四位；李老板兩位；王醫生六位；張律師三位之流。

題外話，唔知點解D醫生呀、律師呀、教授呀，訂桌吃飯都要落乜春醫生，乜春律師咁才食到飯。有次在茶樓搞到我唔知身在醫院定法庭，所有房間唔係掛乜春醫生就乜春律師，係咪乜春病人或乜春犯人唔可以食飯？若然你現係或將來係以上的所謂專業人士，千其唔好咁做，真的好討厭的。
下次落Call訂桌食飯：唔該王病人八位！